सिन्धुपाल्चोक । सिन्धुपाल्चोकको बाह्रबिसेमा ग्यास सिलिण्डर विष्फोट हुँदा ३ जना बालबालिकाको मृत्यु भएको छ । बाह्रबिसे नगरपालिका–८ स्थित मानेस्वाँरामा खाना पकाउने ग्यास सिलिण्डर विष्फोट हुँदा ३ जनाको मृत्यु भएको प्रहरीले जनाएको छ ।
विष्फोटमा परि स्थानीय इशाक तामाङ, सरगम तामाङ र दिव्या तामाङको मृत्यु भएको जिल्ला प्रहरी कार्यालय सिन्धुपाल्चोकका डिएसपी दक्ष कुमार बस्नेतले जानकारी दिए । विष्फोटबाट घरधनी मिनबहादुर तामाङ सामान्य घाइते भएको उनले बताए ।
किराना पसलसँगै रहेको खाजा पसलको ग्याँस लिक भएर विष्फोट भएको प्रारम्भिक अनुसन्धानमा खुलेको डीएसपी बस्नेतले बताए । मृत्यु भएका बालबालिका १० वर्ष, ६ वर्ष र साढे २ बर्षका छन् ।
प्रतिक्रिया