आइएमई पेको ‘उत्सवको बहार दुवई घुम्ने उपहार’ विजेता घोषणा

काठमाडौं । आइएमई ग्रुपद्वारा संचालित आइएमई डिजिटल सोलुसन लिमिटेडद्वारा प्रवद्र्घित ‘आइएमई पे’ ले ‘उत्सवको बहार दुवई घुम्ने उपहार’ विजेताको घोषणा गरेको छ ।

धनगढी कैलालीका अमिगो मनी ट्रान्सफर र सिमरा बाराका मोबाइल सरोकार उक्त स्किम अन्तर्गत विजेता घोषित भएका छन् । दशैं, तिहार र छठलाई लक्षित गरी तयार पारिएको उपहार योजनाको घोषणा गरिएको हो ।

आइएमई काउण्टरबाट आइएमई पे मोबाइल एप प्रयोग गरी स्किम अवधिमा हवाई टिकट विक्री गरेवापत सिस्टममा आधारित लक्की ड्र मार्फत विजेता छनोट गर्दा यी दुई विजेता बन्न सफल भएका हुन् । आईएमई पे ले व्यवसाय प्रवद्र्घनमुखी स्किममार्फत व्यवसायिक साझेदारहरुलाई पुरस्कृत गर्ने उद्देश्यले यो योजना सञ्चालन गरेको थियो ।

उक्त कार्यक्रममा दुई जोडीलाई ४ रात ५ दिनका लागि दुवई घुम्ने अवसर प्राप्त हुने गरी तयार पारिएको थियो । कोभिडका कारण बाहिरी देश भ्रमणको लागि उपर्युक्त समय नभएको कारण सोही भ्रमणको लागि लाग्ने खर्च प्रतिविजेता १ लाख ५० हजार आइएमई पे एपमार्फत स्किमका विजेताहरुलाई ट्रान्सफर गरिएको कम्पनीले जनाएको छ ।