काठमाडौं । चितवनको सौराहामा जारी नेकपा एमालेको दशौं महाधिवेशनअन्तर्गत नेतृत्व चयनका लागि भएको मतदानको मतगणना सुरु भएको छ ।
केहीबेर अघिबाट भएको मतदानको परिणाम दुई घण्टामा आउने बताइएको छ ।
दुई हजार १५३ जना प्रतिनिधि रहेकामा दुई हजार ९६ मत खसेको छ । विद्युतीय मेसिनबाट मतदान गरिएकाले परिणाम चाँडै आउने भएको छ ।
अध्यक्षमा केपी शर्मा ओली र भीम रावलको प्रतिस्पर्धा छ । अध्यक्षमा आफुसहित पदाधिकारी र केन्द्रीय कमिटीमा नाम छनौट गरेर सर्वसम्मत कमिटी गठन गर्ने ओलीको चाहना मतदानसँगै समाप्त भएको थियो। यद्यपी, अध्यक्षमा ओलीले नै भारी मतले विजय हासिल गर्दैछन् ।
उपाध्यक्षका लागि घनश्याम भुसाल मैदानमा उत्रिएपछि सबै ६ पदमा मतदान भएको छ । यस्तै सचिवमा पनि ओलीले घोषणा गरेकाबाहेक भीम आचार्य र टंक कार्की चुनाव लडेपछि सबै मैदानमा उत्रिन बाध्य भएका थिए ।
सोमबार राति ९ बजेबाट सुरु हुने भनिएको मतदान आज बिहान ४ बजेदेखि मात्र सुरु भएको थियो । मतदान साढे १० बजे मात्र सकिएको थियो ।
प्रतिक्रिया