फेरिए जमुनाहा प्रहरी इन्चार्ज, सई पुर्ण खत्रीलाई जिल्ला तानियो

नेपालगन्ज । बाँकेका प्रहरी प्रमुख र उप प्रमुखको संयुक्त छड्केबाट १७ प्रहरी कर्मचारीलाई कारवाही गर्दा इन्चार्जलाई उन्मुक्ति दिएको भन्दै सर्वत्र आलोचना भएपछि ईलाका प्रहरी कार्यालय जमुनाहाका इन्चार्ज पुर्ण खत्रीलाई जिल्ला तानेर नयाँ इन्चार्ज पठाइएको छ ।

जिल्ला प्रहरी कार्यालय बाँकेले वडा प्हरी कार्यालय नपालगन्जमा कार्यरत प्रहरी नायब निरीक्षक (सई) मीनबहादुर विष्टलाई जमुनाह प्रहरीको इन्चार्ज बनाएर पठाएको छ ।

इन्चार्जलाई उन्मुक्ति दिएर प्रहरी हवल्दार सहित १७ जनालाई कारवाही गरेको भन्दै बाँके प्हरीको आलोचना भएको थियो । डीआईजीको निकट इन्चार्ज भएकै कारण इन्चार्जलाई जिल्ला प्रहरीले कारवाही गर्न नसकेको चर्चा चलेपछि जमुनाहाका इन्चार्जलाई जिल्ला तानिएको छ ।

जिल्ला प्रहरी कार्यालय बाँकेका प्रवक्ता प्रहरी नयाव उपरिक्षक मधुसुदन न्यौपानेले जमुनाहबाट सई खत्रीलाई हटाई सो स्थानमा विष्टलाई इन्चार्जको जिम्मा दिइएको जानकारी दिए । ‘छड्केका बेला इन्चार्ज कामकै शिलशिलामा कार्यालय बाहिर रहेकाले अनुसन्धाा जारी राख्दै तत्काल नतानिएको हो,’ डीएसपी न्यौपानेले भने, -‘अनुसन्धानकै चरणमा उनलाई हाल जिल्ला तानिएको छ, कसुर ठहरिए कानुन बमोजिम कारवाही हुन्छ ।’