कोरोना अपडेट : २२१२ नयाँ संक्रमित थपिए, १८६७ संक्रमणमुक्त, ३३ जनाको मृत्यु

काठमाडौं । देशभर आइतबार कोरोना भाइरसका २ हजार २१२ जना नयाँ संक्रमित थपिएका छन् ।

१२ हजार १०६ जनामा गरिएको परीक्षणमा यतिको संख्यामा संक्रमित थपिएको स्वास्थ्य तथा जनसंख्या मन्त्रालयले जनाएको छ । जसमध्ये पीसीआर परीक्षण गर्दा १७९३ जनामा संक्रमण पुष्टि भएको छ भने एन्टिजेन परीक्षणबाट ४१९ जनामा संक्रमण देखिएको छ ।

पछिल्लो २४ घण्टामा १८६७ जना संक्रमणमुक्त भएका छन् । यसैअवधिमा ३३ जनाको मृत्यु भएको छ ।