नवलपरासी पश्चिम । नवलपरासी पश्चिम प्रहरीले श्रोत नखुलेको ३३ लाख बढी रकम सहित १ जनालाई पक्राउ गरेको छ । नवलपरासी पश्चिको बर्दघाट १२ भटौलिया स्थित नारायाणचोक-परासी भित्री सडक खण्डबाट प्रहरीले श्रोत नखुलेको उक्त रकम सहित १ जनालाई पक्राउ गरेको हो ।
दक्षिणबाट उत्तर तर्फ आउँदै गरेको लु १६ प ३७२९ नम्बरको मोटरसाईकलको चेकजाँचका क्रममा सो रकम सहित नवलपरासी पश्चिम पाल्हिनन्दन २ का ३५ वर्षिय योगेन्द्र यादव र भारत उत्तर प्रदेश महाराजगंज जिल्ला ठुटीवारीका २७ वर्षिय समिर खानलाई पक्राउ गरेको प्रहरीले जनाएको छ ।
पक्राउ परेका २ जनाबाट भारतिय २ हजारका २०७ थान नोट (४ लाख १४ हजार) र ५ सयका ९७२ थान नोट गरी जम्मा ९ लाख भारतिय मुद्रा तथा नेपाली १ हजारका १ हजार ६९ थान (१० लाख ६९ हजार) र ५ सयका १५ सय ६२ थान (७ लाख ८१ हजार) थान गरी जम्मा १८ लाख ५० हजार बराबरको नेपाली मुद्रा बरामद भएको नवलपरासी पश्चिम प्रहरी प्रवक्ता राजु लामाले बताए । पक्राउ परेकाहरुलाई उनीहरुले प्रयोग गरेको मोटरसाईकल सहित हिरासतमा लिएर थप अनुसन्धान भईरहेको लामाले बताए ।
प्रतिक्रिया