बाँकेमा थपिए १० नयाँ कोरोना संक्रमित, मुत्युको संख्या आजपनि शुन्य, बाँकेका अस्पतालहरु खाली हुँदै

नेपालगन्ज । पछिल्लो २४ घण्टामा बाँकेका १० जना कोरोना संक्रमित थपिएका छन् । जिल्लाका ३ वटा प्रयोगशालामा भएको १०२ नमुनाको पीसीआर परीक्षणबाट बाँकेका १० जना सहित १६ जनामा संक्रमण पुष्टि भएको हो ।

सोही अवधिमा बाँकेमा जिल्ला बाहिरका २ जनाको मृत्यु भएको छ भने बाँकेमा आज मृत्युदर शुन्य रहेको छ । आज ८ जना कोरोना मुक्त भएर डिस्चार्ज भएको डीसीएमसी बाँकेले जनाएको छ ।

बाँकेमा आज सम्ममा जिल्ला भित्रका ९५ सक्रिय संक्रमित बाँकी रहेका छने भने जिल्ला बाहिरका ८७ जनाको बाँकेमा उपचार भईरहेको छ । अस्पतालहरुमा ५ जना भेन्टिलेटरमा २९ जना सिकिस्त र ४५ जना मध्यम अवस्थाका संक्रमितहरुको उपचार भईरहेको छ ।

बाँकेका अस्पतालहरुमा कोरोना संक्रमितका लागि छुट्याईएको ३६१ बेड मध्य २७२ बेड खाली भईसकेका छन् । यहि अवस्थामा सुधार हुँदै जाने हो भने केहिदिनमा अस्पतालका सबै बेडहरु खाली हुन सक्ने स्वास्थ्य कार्यालय बाँकेका अधिकृत नरेश श्रेष्ठले बताए ।