पोखरा । गण्डकी प्रदेशमा आज सोमबार ३४३ जनामा कोरोना संक्रमण पुष्टि भएको छ ।
प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकी प्रदेशका १ हजार १७३ जनामा गरिएको नमुना परीक्षणमा ३४३ जनामा कोरोना संक्रमण पुष्टि भएको हो ।
आज संक्रमण पुष्टि हुनेमा प्रदेशका नौ जिल्लाका छन् । जस अनुसार कास्कीका ५८ जना, तनहुँका पाँच जना, गोरखाका ३० जना, लमजुङका ३५ जना, नवलपुरका ५१ जना र स्याङ्गजाका एक जनामा संक्रमण पुष्टि भएको छ ।
यस्तै, पर्वतका ३८ जना, बागलुङका १२० जना र म्याग्दी जिल्लाका पाँच जनाको परीक्षण रिपोर्ट कोरोना पोजेटिभ आएको जारी विज्ञप्तिमा जनाइएको छ ।
आज थपिएकासंगै गण्डकी प्रदेशमा कोरोना संक्रमितको कूल संख्या ५० हजार ६४७ पुगेको छ ।
पछिल्लो २४ घण्टामा गण्डकी प्रदेशबाट ८४२ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ४४ हजार ४६१ पुगेको छ ।
सोमबार पनि गण्डकी प्रदेशमा थप १२ जनाको मृत्यु भएको छ । आज मृत्यु हुनेमा कास्कीका एक जना, तनहुँका एक जना, लमजुङका दुई जना, नवलपुरका तीन जना, पर्वतका दुई जना, म्याग्दीका एक जना र मुस्ताङ्ग जिल्लाका दुई जना छन् ।
आज मृत्यु भएकासंगै प्रदेशमा कोरोना संक्रमणका कारण मृत्यु हुनेको संख्या ८५० पुगेको निर्देशनालयले जनाएको छ ।
प्रतिक्रिया