विश्वकप फुटबल छनोट : नेपालविरुद्ध पहिलो हाफमा जोर्डनलाई अग्रता

काठमाडौं । सन् २०२२ मा कतारमा हुने विश्वकप र २०२३ मा चीनमा हुने एसिया कपका लागि जारी एसियाली क्षेत्रको संयुक्त छनोट खेलको दोस्रो चरणमा आज नेपालले जोर्डनसँग प्रतिस्पर्धा गरिरहेको छ ।

कुवेत सिटीस्थित जाबेर अल अहमद अन्तर्राष्ट्रिय स्टेडियममा सोमबार राति भएको खेलको पहिलो हाफसम्म नेपालविरुद्ध जोर्डनले १-०को अग्रता लिएको छ ।

खेलको २३औैँ मिनेटमा जोर्डनको लागि बहा फैसलले पेनाल्टीमार्फत गोल गरेका हुन् । रोहित चन्दले सुलेमानलाई पेनाल्टी क्षेत्रभित्र लडाएपछि रेफ्रीले पेनाल्टी दिएका थिए ।

एसिया कपको लागि सिधै तेस्रो चरणको छनोटमा पुग्नका लागि नेपाललाई आज जित आवश्यक छ । तर जोर्डन नेपालभन्दा बलियो टोली हो र अहिलेसम्म नेपालले जोर्डनलाई पराजित गर्न सकेको छैन । जोर्डन फिफा वरियतामा नेपालभन्दा ७६ स्थान माथि छ । जोर्डन ९५ औं र नेपाल १७१ औं स्थानमा छन् ।