एजेन्सी । पाकिस्तान सुपर लिग (पीएसएल) टी-ट्वान्टी क्रिकेटको बाँकी खेलहरु यही जुन ९ बाट सुरु हुने भएको छ । पाकिस्तान क्रिकेट बोर्ड (पीसीबी) ले पीएसएलको बाँकी खेलहरु जुन ९ बाट सुरु हुने जनाएको छ ।
पहिलो खेलमा लाहोर क्वालान्दर्स र इस्लामावाद युनाईटेडबीच खेल हुनेछ । युएईको अबुधाबीमा आयोजना हुने पीएसएलको फाइनल खेल जुन २४ गते हुनेछ ।
पाकिस्तान क्रिकेट बोर्डले पाकिस्तानी टिम घरेलु टिमसँगको सिरिजका लागि जुन २५ गते इंग्ल्यान्ड प्रस्थान गर्ने समेत जनाएको छ । कोरोना महामारीका कारण प्रतियोगिताको बाँकी खेलहरु युएईमा हुन लागेको हो ।
फ्रेन्चाइज टिमले बाँकी रहेको खेलहरु युएईमा आयोजना गर्न आग्रह गरेपछि पीसीबीले युएईसामु प्रस्ताव गरेको हो ।
प्रतिक्रिया