नेपाललाई थप १० लाख डोज खोप उपलब्ध गराउने चिनियाँ राष्ट्रपतिको घोषणा

काठमाडौं । छिमेकी मित्रराष्ट्र चीनले नेपाललाई थप १० लाख डोज खोप अनुदान सहयोग गर्नेभएको छ । चीनिया राष्ट्रपति सी चिङफिङले बुधबार बेइजिङमा नेपाललाई १० लाख डोज कोरोना खोप अनुदान सहयाता दिने घोषणा गरेका हुन् ।

राष्ट्रपति विद्यादेवी भण्डारीले आजैमात्र चिनियाँ समकक्षी सी सँग पौने घण्टा टेलिफोनमा कुरा गर्दै खोप सहयाताका लागि आग्रह गरेकी थिइन ।
त्यसलगत्तै बेइजिङमा राष्ट्रपति सीले १० लाख खोप दिने घोषणा गरेको नेपालका लागि चिनियाँ राजदूत होय यान्छीले जानकारी गराएकी छिन् ।

During today's phone conversation with Nepali President Bidya Devi Bhandari, Chinese President Xi Jinping announced that China will provide 1 million doses of COVID-19 vaccines to Nepal under grant assistance. pic.twitter.com/0d2OWT2mYd

— Ambassador Hou Yanqi (@PRCAmbNepal) May 26, 2021

चीनले नेपाललाई यसअघि ८ लाख डोज भेरोसेल खोप उपलब्ध गराएको छ । अहिले पनि चिनियाँ खोपको दोस्रो डोज लगाउने काम भैरहेको छ ।

नेपालमा कोरोना भाइरसको महामारी नियन्त्रणका लागि चीन सरकारले २० हजार थान अक्सिजन सिलिण्डरसहित कैयौं सहयोग गरेको छ । यस्तै, सिचवान प्रादेशिक सरकार र तिब्बत स्वायत्त प्रदेश सरकारले पनि नेपाललाई स्वास्थ्य सामग्रीहरु सहायता गरेका छन् ।