चिनियाँ अनुदानका अक्सिजन सिलिण्डर र स्वास्थ्य सामाग्री यसै साता आइपुग्छ : राजदूत यान्छी

काठमाडौं । चीनले अनुदानमा दिएको अक्सिजन सिलिण्डर यसै साता नेपाल आइपुग्ने भएको छ ।

चिनियाँ राजदूत हाउ यान्छीले अक्सिजन सिलिण्डर लगायतका स्वास्थ्य सामाग्रीहरुको दोस्रो लट यसै साता नेपाल आइपुग्ने जनाएकी छिन् । राजदूत यान्छीले ट्वीटरमार्फत यसबारे जानकारी गराएकी हुन् ।

आइतबार मात्रै चिनियाँ अनुदानका अक्सिजन सिलिण्डर सडकमार्गहुँदै तातोपानी नाका आइपुगेको व्यापक हल्ला भएको थियो । उपप्रधानमन्त्री ईश्वर पोखरेलका प्रेस सल्लाहकारले ती सिलिण्डर तातोपानी आइपुगेको समाचार संचारमाध्यमहरुलाई सम्प्रेषण गरेका थिए ।

ती सिलिण्डर अनुदानको नभै नेपाली व्यवसायीहरुले आफैले खरिद गरेर ल्याएका थिए । नेपाली व्यापारीले खरिद गरेका १८ हजार थान अक्सिजन सिलिन्डर चिनियाँ कन्टेनरमार्फत सोमबार मध्यान्न तातोपानी भन्सारमा झारिएको छ ।

https://twitter.com/PRCAmbNepal/status/1394233179003768833