बुटवल । रुपन्देहीमा ३ हप्ते बास्केटबल क्याम्प सम्पन्न भएको छ ।
रुपन्देही बास्केटबल संघको आयोजना नेपाल बास्केटबल संघको प्राविधिक सहयोगमा ३ हप्ते क्याम्प सम्पन्न भएको हो ।
युवा खेलाडीहरुलाई प्राविधिक ज्ञानसंगै क्षमतावान खेलाडी पहिचान गराउने गरि २१ दिने कोच क्लिनिक, रेफ्रि क्लिनिक र प्रदेश भरिका ५० जना युवाहरुलाई बास्केटबल तालिम दिईएको हो ।
खेलाडीहरुले २१ दिनसम्म बास्केटबलका सामान्य नियमदेखि खेलका प्राविधिक पक्षहरुमा तालिम दिईएको अध्यक्ष मनिष कुमार हेजुले बताए । रुपन्देहीको देविनगरस्थित भुपुसैनिक बास्केटबल कोर्ट, सिद्धेश्वरी बास्केटबल कोर्ट र पृतना हेटक्वाटरमा कार्यक्रम भएको थियो ।
राष्ट्रिय खेलकुद परिषद अन्तरगत नेपाल बास्केटबल संघका प्रमुख कोच दिनेश चन्द्र नकर्मी, नेपाल महिला टिमका हेड कोच विकास शाही, सहायक कोच निरंजन सत्यालबाट तालिम सहजिकरण गरिएको थियो ।
नेपाल बास्केटबल संघका कार्यबाहक अध्यक्ष होम डोङ्गले खेलको विकासका लागि नियमित प्रशिक्षणसंगै प्रतियोगिता जरुरी हुने बताए । विशेषगरि दक्ष प्राविधिक जनशक्तिहरुको अभाव छ ।
उनले भने । यो काठमाण्डौमा विद्यालयस्तरमा नै सिमित भईरहेको उनले बताए । तराई क्षेत्रमा लैजान सके र खेलाडीहरु तयार गर्न सके अन्तरराष्ट्रिय स्तरमा सम्भावना बोकेको खेल भएको उनले बताए ।
जनशक्ति उत्पादन र खेलाडी जन्माउने गरि तालिम र विकासमा सरकारको लगानी जरुरी रहेको छ । देशका २७ जिल्लाहरुमा बास्केटबलको शाखा रहेको बताए । साग गेमपछि केन्द्र सुस्ताएको छ ।
चाईनामा हुने बिच एशियन गेमका लागि मेन्स र वुमन्सको ३ बाई ३ गेमको ट्रेनिङ शुरु गरेको उनले बताए । नेपालमा काठमाण्डौ केन्द्रमा ४ जना र पुर्वमा एकजना गरि जम्मा ५ जना प्रशिक्षक रहेका छन ।
प्रतिक्रिया