बारामा घरभित्रै सुतिरहेकी महिलाको हत्या

कलैया । बाराको महागढीमाई नगरपालिकामा घरभित्रै सुतिरहेकी एकजना महिलाको हत्या भएको छ । गयराती महागढीमाई वडा नम्बर १ की ४८ वर्षीया कान्तिदेवी कुशवाहको घरभित्रै हत्या भएको हो ।

मृतक कान्तिदेवीलाई गलामा धारिलो हतियार प्रहार गरि हत्या गरिएको हो ।

घटनाको जानकारी आएलगत्तै प्रहरी घटनास्थल पुगेर अनुसन्धान सुरु गरेको जिल्ला प्रहरी कार्यालय बाराका प्रहरी प्रमुख प्रहरी उपरिक्षक दिपेन्द्र शाहीले बताए ।

प्रहरीका अनुसार आइतबार बेलुकी घरमा कोहि नभएका बेला उनको धारीलो हतियार प्रयोग गरि हत्या गरिएको हो । उनको हत्याका बेला मृतकका श्रीमान खाना खाएर घरबाहिर गएको र घर फर्कदा श्रीमति मृत फेला परेपछि उनले हल्लाखल्ला गर्दै छिमेकी बोलाएका थिए ।

कुशवाह परिवारका तीन छोरा र एक छोरी भए पनि उनीहरु अध्ययनको सिलसिलामा जिल्ला बाहिर छन् ।