बाजुरा । बाजुरा जिल्लाको त्रिवेणी नगरपालिकामा रहेको प्रसद्धि धार्मिक तथा पर्यटकीय क्षेत्र बडिमालिकमा हेलिकोप्टर टुर सेवा सुरु भएको छ ।
आन्तरिक तथा बाह्य पर्यटकको सुविधाको लागि हेलिकोप्टर सेवा सुरु गरिएको हो ।
खप्तड होम स्टेको सहयोगमा यो वर्ष दिपायल देखी बाजुराको बडिमालिका सम्म हेली टुरुको सुभारम्भ भएको खप्तड होम स्टेका संचालक दिपक खड्काले बताएका छन ।
आइतबार पहिलो उडानमा नेपाल पर्यटन बोर्डका प्रमुख कार्यकारी अधिकृत (सीईओ) डा. धनन्जय रेग्मी र बोर्डका सदस्य कृष्ण महराले उक्त हेली टुरको शुभारम्भ गरेको खप्तड होम स्टेका संचालक खड्काले जानकारी दिए ।
डोटीको दिपायलदेखि बडिमालिका सम्मको हेली टुर माघ २५ गते सम्म प्याकेज रहेको उनले बताएका छन ।
खप्तड बडिमालिका दर्शनका लागि नेपाल पर्यटन बोर्डका सीईओ रेग्मी , एनटिए केन्द्रका अध्यक्ष अच्युत गुरागाई र पर्यटन व्यवसायी कृष्णबहादुर महरा लगायत केही पर्यकहरुले खप्तड बडिमालिका दर्शन गरेको होटल तथा पर्यटन ब्यवसायी महासंघ सुदुरपश्चिम प्रदेश अध्यक्ष खड्काले बताए ।
सुदुरपश्चिमकै धरोहरको रुपमा रहेको बाजुराको बडिमालिका र खप्तडको पर्यटन प्रबद्धन गर्न माउन्टेन हेलिकप्टरको समन्वय तथा खप्तड होम स्टेको सहयोगमा सो प्याकेज ल्याएको उनको भनाइ छ ।
सुदुरपश्चिमका पर्यटन क्षेत्रको बिकाश र पर्यटन प्रबद्धन गर्न उनले हेली प्याकेजका साथै अन्य विकासका लागि केही गर्न सकिन्छ कि भनेर यस्तो सेवाको प्याकेज बनाएको खड्काले बताए ।
‘धर्तीको स्वर्ग बडिमालिका जाँउ, धार्मिक महिनामा पुण्य कमाउँ’ भन्ने मुल नाराका साथ हेलिकप्टरबाट दिपायल–बडिमालिका प्रतिव्यक्ति २७ हजार ५ सय रहेको छ । सो हेलिकोप्टरमा चार जना व्यक्ति अनिवार्य हुनुपर्ने नियम राखिएको छ ।
बडिमालीका सुदुरपश्चिमको एक धार्मीक तथा पर्यटकी क्षेत्रमा निकै महत्वपुर्ण देखिन्छ ।
प्रतिक्रिया