काठमाडौं । नेपाली काँग्रेसका महामन्त्री शशांक कोइरालाले यतिबेलाको पहिलो प्राथमिकता संसद पुनर्स्थापना हुनुपर्ने बताएका छन् ।
कञ्चनपुर सदरमुकामा महेन्द्रनगरमा शनिबार बिहान आयोजित पत्रकार सम्मेलनमा बोल्दै महामन्त्री कोइरालालले प्रधानमन्त्री केपी शर्मा ओलीले असंवैधानिक र अलोकतान्त्रिक तरिकाले प्रतिनिधिसभा भंग गरेको हुँदा पहिलो प्राथमिकता संसद पुनर्स्थापना गर्नुपर्नेमा केन्द्रित हुनुपर्ने बताएका हुन् ।
यससम्बन्धी मुद्दा अदालतमा रहेको बताउँदै कोइरालले अदालतले समेत संविधान अनुसार निर्णय गर्ने र अदालतको निर्णय काँग्रेसलाई मान्य हुने बताए ।
महामन्त्री कोइरालले आगामी बैशाखमा निर्वाचन हुन नसक्ने स्पष्ट पारे । कोइरालले देशको राजनीतिक अवस्था अस्थिर बन्दै गएका कारण बैशाखमा निर्वाचन हुने संभावना नरहेको जिकिर गरे ।
उनले कम्युनिष्ट पार्टी फुटी नसकेको र निर्वाचन आयोग नेकपाकै विवाद र चुनाव चिन्हमा अल्झिएका कारण पनि बैशाखमा निर्वाचन हुने संभावना नरहेको स्पष्ट पारे ।
कोइरालले पार्टीमा क्रियाशील सदस्यताको नामावली संकलन गर्न नसकेको बताए । देशको राजनीतिक परिस्थितिका कारण पार्टीको आन्तरिक गतिविधिमा समेत प्रभावित पारेको उनको भनाइ थियो ।
प्रतिक्रिया