आजको मौसम : पूर्वी र गण्डकी प्रदेशका पहाडी क्षेत्रमा आंशिक बदली

काठमाडौं । हाल देशभरको मौसममा पश्चिमी वायु तथा अरेबीयन सागरमा रहेको न्युन चापीय क्षेत्रको आंशिक प्रभाव कायमै रहेको छ ।

हाल प्रदेश १ र गण्डकी प्रदेशको मौसममा आंशिक बदली रहेको छ । त्यस्तै देशका बाँकी भू-भागको मौसम सामान्यतया सफा रहेको छ ।

आज विहान ६ बजे काठमाडौंको वायुको तापक्रम ४ डिग्री सेल्सियस रहेको छ । जसअनुसार अघिल्लो दिनभन्दा चिसो बढेको जल तथा मौसम विज्ञान विभागले जनाएको छ ।

आज दिउँसो प्रदेश नं १ र गण्डकी प्रदेशको पहाडी भू-भागहरुको मौसममा आंशिक बदली रहने सम्भावना छ । देशका बाँकी भू-भागको मौसम सामान्यतया सफा रहने विभागले जनाएको छ ।

त्यसैगरी आज राती देशका पहाडी भू-भागहरुको मौसममा आंशिक बदली रहने छ । देशका बाँकी भू-भागको मौसम सामान्यतया सफा रहने जल तथा मौसम विज्ञान विभागले जनाएको छ ।