३ चैत्र २०८१, आइतबार | March 16, 2025

बाँके खजुराका युवाले बिना धितो ऋण पाउने



नेपालगन्ज । बाँकेको खजुरा गाँउ पालिकाले राष्ट्रिय बाणिज्य बैंकसँग सहुलियतपूर्ण कर्जाका लागि ब्याजअनुदानमा सम्झौता गरेको छ ।

आज एक कार्यक्रमका बीच खजुरा गाउँपालिका प्रमुख किस्मतकुमार कक्षपति र राष्ट्रिय बाणिज्य बैंकका लुम्बिनीप्रदेश प्रमुख आनन्द सुवेदीले उक्त सम्झौतामा हस्ताक्षर गरेका छन् ।

गाँउपालिकाका अनुसार विभिन्न ७ शीर्षकमा प्रवाहगरिने सहुलियत कर्जा अब खजुरा गाउँपालिका क्षेत्र भित्रका करीब १ सय युवाहरूलाई पालिकाको सिफारिसमा प्रदान गरिने छ । खजुरा गाउँपालिकाले आफ्नो नीति तथा कार्यक्रममा बिना धितो सहुलियत कर्जा प्रदानगर्ने नीति अवलम्बन गरे बमोजिम यो सम्झौता गरिएको गाँउपालिकाले जनाएको छ ।

कृषि तथा पशुपालन, सीपमूलक र उत्पादन लगायतका क्षेत्रमा लगानीका लागि सिफारिस गरिने पालिकाले नीति बनाएको छ ।

सहुलियत कर्जा महिला उद्यमीका लागि १ दशमलव ६ र अन्य कर्जामा २ दशमलव ६ प्रतिशत ब्याज रहेको छ । हस्ताक्षर कार्यक्रममा बोल्दै पालिका प्रमुख कक्षपतिले स्थानीय सरकार जमानी बसेर प्रवाह गरिने सहुलियत कर्जाको लागि बुधबार देखिनै कार्यान्वयनमा जाने बताए ।

राष्ट्रिय बाणिज्य बैंक लुम्बिनी प्रदेश प्रमुख आनन्द सुबेदीले निर्वाहमुखी नभई व्यवसायिकरणमा जानका निम्ति सहुलियतपूर्ण कर्जा दिईने गरेको बताए ।

रा बा बैंक कृषि ऋण अधिकृत रोशन सुवेदीले ७ शीर्षकमा प्रदान गर्ने सहुलियतपूर्ण कर्जाबारे जानकारी दिदै ब्याज जोगाउनु नै व्यवसायीको लागि ठूलो उपलब्धि हुने बताए ।

प्रकाशित मिति : २५ कार्तिक २०७७, मंगलबार  १० : ०२ बजे

‘कांग्रेस कसैको पनि सेवा सुविधा बढाउने पक्षमा छैन’

पोखरा । नेपाली कांग्रेसका प्रवक्ता डा प्रकाशशरण महतले कसैको पनि

राप्रपाद्वारा केन्द्रीय कार्यसम्पादन समिति बैठक आह्वान

काठमाडौँ । राष्ट्रिय प्रजातन्त्र पार्टी (राप्रपा) ले पछिल्लो विकसित राजनीतिक

‘सत्ता सञ्चालकका कमजोरीलाई लिएर व्यवस्थामाथि दोष नथुपारौँ’

सुर्खेत । कर्णाली प्रदेशका मुख्यमन्त्री यामलाल कँडेलले सत्ता सञ्चालकका कमजोरीलाई

घट्यो इन्धनको मूल्य

काठमाडौँ । नेपाल आयल निगमले इन्धनको मुल्य घटाएको छ ।

‘उपयुक्त समयमा भूमिसम्बन्धी अध्यादेश संसद्मा पेस हुन्छ’

चितवन । भूमि व्यवस्था, सहकारी तथा गरिबी निवारणमन्त्री बलराम अधिकारीले