न्यूयोर्क । अमेरिकी राष्ट्रपति निर्वाचनमा डोनाल्ड ट्रम्पको ४ बर्षे कार्यकाललाई सत्ताच्यूत गर्न बाइडेन जीतको नजिक पुगेका छन् ।
सवैले चासोको रुपमा हेरिरहेको राज्य नेभाडामा जो बाइडेनले जीतेमा ट्रम्पको ४ बर्षे कार्यकाललाई विदा गरी ह्वाइट हाउस प्रवेशका लागि बाटो खुल्ने छ ।
७५ प्रतिशत मत गणना भइसकेको नेभाडामा बाइडेनले अग्रता कायम गरिरहेका छन् । नेभाडाको बाँकी मत परिणाम अबको केहीघण्टामा मात्र आउने भएको छ । २०१६ को चुनावमा नेभाडामा हिलारी क्लीन्टनले जीतेकी थिइन् ।
नेभाडामा व्यक्ति उपस्थित भएर गरिएका अग्रिम मतदानका सबै मत गणना भइसकेका छन् । त्यस्तै चुनावको दिन हालिएका मत पनि गणना भइसकेका छन् । नोभेम्बर २ सम्म हुलाकबाट प्राप्त मतहरु पनि गणना भइसकेको जनाइएको छ ।
बाँकी मतपत्रहरु गणनाको परिणाम न्युयोर्क समय अनुशार मध्यान्ह १२ बजे सार्वजनिक गरिने भएको छ । नेभाडामा झण्डै ६ लाखले हुलाकमार्फत मतपत्र पठाएर मतदान गरेका छन् ।
यस्तै सबैले व्यग्ररुपमा रहेका बाँकी राज्य नेभाडा, जर्जिया, नर्थ क्यारोलिना र पेन्सिलभेनियाको नतिजा प्रतिक्षा गरिरहेका छन् । नेभाडामा ६, जर्जियामा १६, नर्थ क्यारोलिनमा १५ र पेन्सिलभेनियामा २० इलेक्टोरल मत रहेको छ ।
जर्जियामा मतगणना लगभग समाप्त भएको छ । फुल्टन काउन्टीमा मतगणना समाप्त भएको छ । झण्डै १ लाख ३२ हजार मतगणना गरिएको छ । त्यसको नतिजा न्युयोर्क समय अनुशार विहान ११ बजे सार्वजनिक गरिनेछ ।
अहिलेसम्मको मतपरिणाम अनुसार जर्जियामा डोनाल्ड ट्रम्पले कायम गरिरहेका छन् । तर फुल्टन काउन्टीमा झण्डै ८० प्रतिशत मत बाइडेनका पक्षमा खसेको बताइएको छ । विदेशमा रहेका सेनाका सदस्यले गरेका मतहरु गणना गर्न अझै बाँकी रहेको छ ।
उता नर्थ क्यारोलिनाको पनि पूर्ण नतिजा आउन समय लाग्ने भएको छ । नर्थ क्यारोलिनामा नोभेम्बर १२ सम्म हुलाकबाट प्राप्त मतपत्रहरु गणना गर्न सकिनेछ । तर झण्डै ९४ प्रतिशत मतगणना भइसकेको छ । नर्थ क्यारोलिनामा ट्रम्पले अग्रता कायम गरिरहेका छन् ।
पेन्सिलभेनियामा ८९ प्रतिशत मत गणना गरिएको छ भने परिणाम सार्वजनिक गरिएको छैन । थप परिणाम आगामी घण्टाहरुमा आउने बताइएको छ ।
पेन्सिलभेनियामा शुक्रबारसम्म हुलाकबाट आएका मतपत्रहरु गणना गरिनेछ । त्यसैले शतप्रतिशत मत गणनाका लागि शुक्रबारसम्म कुर्नुपर्नेछ । पेन्सिलभेनियामा अझै झण्डै साढे ७ लाख मतगणना गर्न बाँकी रहेको जनाइएको छ ।
प्रतिक्रिया