रुपन्देहीमा कोरोना संक्रमितको संख्या ५ हजार नजिक पुग्यो, आईतबार थपिए १७९ जना

बुटवल । रुपन्देहीमा कोरोना संक्रमित थनिे क्रम हरेक दिन थपिँदै गएको छ । पछिल्लो २४ घण्टामा रुपन्देहीमा १७९ जना नयाँ कोरोना संक्रमित थपिएका छन् ।

स्वास्थ्य कार्यालय रुपन्देहीले दिएको जानकारी अनुसार आईतबार बुटवल उपमहानगरमा ९२ जना नयाँ कोरोना संक्रमित थपिएका छन् भने तिलोत्तमामा ३७ र सिद्धार्थ नगरमा २६ जना कोरोना संक्रमित थपिएका छन् । त्यसैगरि सैनामैनामा ७ जना, देवदहमा ६ जना, सुद्धोधनमा ५ जना, ओमसतियामा ४ जना तथा रोहिणी र सियारीमा १।१ जना कोरोना संक्रमित थपिएका छन् ।

आईतबार सम्म रुपन्देहीमा कुल संक्रमितको संख्या ४८६८ पुगेको छ भने जिल्लामा ५१ जना कोरोना संक्रमितको मृत्यु भएको छ । रुपन्देहीमा अहिले पनि १९४९ जना कोरोना संक्रमितहरु होम आइसोलेसन तथा बिभिन्न अस्पताल र आइसोलेसनमा बसेर उपचार गराईरहेका छन् ।