रुपन्देहीका ३ अंकमा कोरोना संक्रमित थपिने क्रम रोकिएन, आज थपिए १५६

बुटवल । रुपन्देहीमा बिगत केहि दिन देखि लगातार ३ अंकबाट नघट्ने गरि कोरोना संक्रमित थपिईरहेका छन् । बिहिबार पनि रुपन्देहीमा १५६ जना नयाँ कोरोना संक्रमित थपिएका छन् ।

स्वास्थ्य कार्यालय रुपन्देहीले दिएको जानकारी अनुसार बिहिबार थपिएका संक्रमितमा सबै भन्दा बढी बुटवलमा ५५ जना नयाँ संक्रमित थपिएका छन् भने सिद्धार्थ नगरमा ४३ तिलोत्तमामा २५ जना संक्रमित थपिएका छन् । त्यसैगरि मायादेबी र सम्मरीमाईमा ९।९ जना, देवहमा ५ जना, सैनामैनामा ४ जना, ओमसतियामा २ जना तथा रोहिणी, सियारी, सुद्धोधन र कञ्चन गाँउपालिकामा १।१ जना नयाँ कोरोना संक्रमित थपिएका छन् ।

आज थपिएसँगै रुपन्देहीमा कुल संक्रमितको संख्या ४२६८ पुगेको छ । जिल्लामा बिहिबार सम्म ४५ जना कोरोना संक्रमितको मृत्यु भएको छ ।