बुटवल । रोटरी क्लब अफ तिलोत्तमा रुपन्देहीको ४ सय ४४ औं नियमित बैठक सम्पन्न भएको छ ।
शनिबार बुटवलमा नियमित बैठकमा क्लासिफिकेसन एजेन्डा अन्तरगत विविध कार्यक्रम गरि मनाएको हो ।
कार्यक्रममा क्लबका सदस्यहरुका बिचमा भातृत्व विकास गराउन संस्कार संस्कृतिका बारेमा अन्तरक्रिया गरिएको क्लबका अध्यक्ष गोपाल ज्ञवालीले बताए ।
सामाजिक कार्यको लक्ष्यसहित स्थापना भएको अन्य क्लबभन्दा फरक ढंगबाट रचनात्मक कामहरु गरेको उनले बताए । क्लबका सदस्यहरु बिचमा भातृत्व विकास भएमात्र कामप्रति उर्जा थपिने भन्दै उनले आफनो ब्यवसायिक कार्यसंगै प्रतिभा प्रस्फुटन गराउने रुपमा कार्यक्रम गरिएको उनले बताए ।
कार्यक्रमको उदघाटन गर्दै पुर्व अध्यक्ष तथा एजी खिमानन्द भुषालले क्लबमा आवद्ध भएर ब्यक्तिगत विकास र ब्यवसायिक सफलता पाउन सकिने बताए । अघिल्लो महिनामा जन्मदिन पर्नुहुने ३ जना सदस्यहरुको केक काटिएको थियो । क्लबका सदस्य तथा लोकदोहरी गायक दुर्गा नेपालले गायन तथा अतिथि कलाकार कृष्ण गुरुङले सुमधुर बासुरी मार्फत रमाईलो वातावरण बनाएका थिए ।
निवर्तमान अध्यक्ष कृष्ण शर्मा, पुर्व अध्यक्ष बालकृष्ण अर्याल, प्रसिडेन्ड नोमिनि नारायण अर्याल तथा प्रसिडेन्ड ईलेक्ट बिष्णु चापागाईले आआफ्नो ब्यवसायिक सफलता तथा क्लबमा गरेका योगदानका बारे अनुभव शेयर गरेका थिए ।
प्रतिक्रिया