बुटवल । निषेधाज्ञा र लकडाउनलाई खुकुलो बनाएसँगै रुपन्देहीमा कोरोना संक्रमणको ग्राफ लगातार उकालो लागेको छ ।
पछिल्लो २४ घण्टामा रुपन्देहीमा ८२ जना नयाँ कोरोना संक्रमित थपिएका छन् । स्वास्थ्य कार्यालय रुपन्देहीका अनुसार रुपन्देहीमा २३ महिला ५८ पुरुषमा कोरोना संक्रमण पुष्टि भएको छ ।
रुपन्देहीमा बिहिबार पनि बुटवल उपमहानगरले सबै पालिकालाई नयाँ संक्रमित थप्ने कार्यमा उछिनेको छ । बुटवल उपमहानगरमा ४२ जना नयाँ संक्रमित थपिएका छन् भने तिलोत्तमा नगरपालिकामा १९ जना नयाँ कोरोना संक्रमित थपिएका छन् ।
त्यसैगरि सिद्धार्थ नगर नगरपालिकामा ९ जना, सैनामैना नगरपालिकामा ५ जना, रोहिणीमा ३ जना तथा देवदह र ओमसतिया गाँउपालिकामा २।२ जना नयाँ संक्रमित थपिएका छन् ।
बिहिबार थपिएसँगै रुपन्देहीमा कुल संक्रमितको संख्या २२८२ पुगेको छ । जिल्लामा १५३१ जना कोरोना मुक्त भएर घर फर्केका छन् भने २१ जना कोरोना संक्रमितको मृत्यु भएको छ ।
प्रतिक्रिया