बुटवल । प्रदेश ५ को राजधानी बुटवलमा हरेक दिन कोरोना संक्रमणको ग्राफ उकालो चढिरहेको छ । बुटवलमा आज पनि ३३ जना नयाँ कोरोना संक्रमित थपिएका छन् ।
बुटवल उपमहानगरको स्वास्थ्य शाखाले दिएको जानकारी अनुसार मंगलबार पनि बुटवलको वार्ड नम्बर ११ले सबै वार्डहरुलाई उछिनेको छ । वार्ड नम्बर ११ मा मंगलबार ७ नयाँ संक्रमित थपिएसँगै सो वडामा कुल संक्रमितको संख्या १६७ पुगेको छ । उपमहानगरमा दोस्रो स्थान ओगटेको वार्ड नम्बर ३ मा मंगलबार २ जना थपिएर कुल संक्रमतिको संख्या ७७ पुगेको छ । त्यसैगरि बुटवलको वार्ड नम्बर ४ मा ७ जना, वार्ड नम्बर ७ मा ४ जना, वार्ड नम्बर ६ र ९ मा ३।३ जना, वार्ड नम्बर १० मा २ जना तथा वार्ड नम्बर २, ८ र १३ मा १।१ संक्रमित थपिएका छन् । बुटवलमा वार्ड नखुलेका २ जनामा आज पनि २ जनामा कोरोना संक्रमित थपिएका छन् ।
बुटवलमा १४ जना कोरोना संक्रमितको मृत्यु भईसकेको छ भने उपमहानगरमा कुल संक्रमित हुनेको संख्या ७७३ पुगेको छ ।
प्रतिक्रिया