२१ चैत्र २०८१, बिहिबार | April 3, 2025

पूर्वपश्चिम रेलमार्गमा लगानी गर्न रुसलाई मन्त्री नेम्वाङको आग्रह



काठमाडौं । भौतिक पूर्वाधार तथा यातायात एवम शहरी विकास मन्त्री वसन्तकुमार नेम्वाङले पूर्वपश्चिम विद्युतीय रेलमार्गमा लगानी गर्न रुसी महासंघलाई आग्रह गरेका छन् ।

भौतिक पूर्वाधार तथा यातायात मन्त्रालयमा नेपालका लागि रुसी महासंघका राजदुत एलेक्सी नोभिकोभसँगको भेटमा मन्त्री नेम्वाङले पूर्वपश्चिम विद्युतीय रेलमार्गको इनरुवा–बद्र्रिवास खण्डमा लगानीका लागि आग्रह गरेका हुन् ।

त्यस्तै करिब साढे चार अर्ब लगानी लाग्न सक्ने ७२ किलोमिटर लम्बाई रहेको संघीय राजधानी काडमाण्डौको मेट्रो प्रोजेक्टमा समेत रुसी सहकार्य सम्बन्धमा छलफल भएको छ ।

उक्त मेट्रो प्रोजेक्टको पाँच खण्ड मध्ये कुनै पनि खण्डमा रुसी प्रविधि र लगानीसहित सहभागी हुन गरिएको प्रस्तावमा राजदुत नोभिकोभले नेपालको विकासमा सहकार्य गर्न आफु उत्साहित रहेको र आफ्नो सरकारसँग पहल गर्ने प्रतिवद्धता व्यक्त गरेको मन्त्रालयबाट जारी विज्ञप्तिमा जनाइएको छ ।

यस्तै, रुसको सहयोगमा निर्माण भएका विगतका परियोजनाहरु कान्ति अस्पताल, पनौती हाइड्रोइलेट्रिक स्टेशन, पूर्वपश्चिम राजमार्गको पथलैया–ढल्केबर खण्ड, जनकपुर चुरो कारखाना, कृषि औजार कारखाना, वीरगन्ज सुगर मिल र रोजिन एण्ड टर्पाईन प्लाण्टबारे समेत छलफल भएको छ ।

भेटवार्तामा मन्त्री नेम्वाङ्गले विश्वव्यापी महामारीको रुपमा फैलिएको कोरोना भाईरस (कोभिड–१९) विरुद्धको खोप रुसले तयार गर्दै गरेकोमा बधाई दिएका छन् ।

उक्त भेटमा भौतिक पूर्वाधार तथा यातायात मन्त्रालयका सचिव देबेन्द्र कार्की, सहसचिव गोपाल सिग्देल र रेल विभागका महानिर्देशक बलराम मिश्र सहभागी थिए ।

प्रकाशित मिति : ९ भदौ २०७७, मंगलबार  ४ : १२ बजे

मधेसी समुदायका निम्ति संविधान संशोधन गर्नुपर्छ : महेन्द्रकुमार राय

काठमाडौं । प्रतिनिधिसभा सदस्य भएको करिब दुई वर्ष भयो ।

सगरमाथा संवादमा सहभागी हुन बिमेस्टेक राष्ट्र र सरकार प्रमुखलाई नेपालको निम्तो

काठमाडौं। आगामी मे महिनामा हुने ‘सगरमाथा संबाद’मा उपस्थितिका लागि नेपालले

बिमस्टेक क्षेत्रीय एकता र सामूहिक सहकार्यको भावनामा अघि बढ्नुपर्छ : परराष्ट्रमन्त्री

काठमाडौं । परराष्ट्रमन्त्री डा आरजु राणा देउवाले बहुक्षेत्रीय प्राविधिक तथा

वनवाटिकाको विकासमा विगत २० वर्षदेखि खटिएका खिमलाल पाण्डेयले गरे अध्यक्ष पदको उमेद्वारी घोषणा

बुटवल । रुपन्देहीको तिलोत्तमास्थित शंकरनगर वन विहार तथा अनुसन्धान केन्द्र

गायक मुरलीधरको नयाँ गीत सार्वजनिक

काठमाडौँ । ‘उडायो सपना सबै हुरीले’ बोलको गीतका गायक मुरलीधरको