काठमाडौं । निषेधाज्ञा तोड्दै सेयर बजार २१.२६ अंकले बढेको छ । बढेको बजारमा २ अर्ब १३ करोड ९२ लाख रुपैयाँको कारोबार भएको छ ।
यस दिन १८२ कम्पनीहरुको २७ हजार ५६६ पटकको कारोबारमा २ अर्ब १३ करोड ९२ लाख रुपैयाँ बराबरको ४९ लाख २४ हजार कित्ता सेयर खरिद बिक्री भएको हो।
सोमबार नेपाल पुनर्बीमा कम्पनीको सर्वाधिक २१ करोड ६० लाख रुपैयाँ बराबरको कारोबार भएको छ।
त्यस्तै नेको इन्स्योरेन्स, नेपाल लाइफ इन्स्योरेन्स र ग्लोबल आइएमई बैंकको १० करोडभन्दा बढीको सेयर कारेबार भएको छ ।
सोमबारको कारोबारमा आएका १२ उपसमूहमध्ये होटल उपसमूहबाहेक अरु सबै उपसमूहको परिसूचक बढेको छ। यस्तै उत्पादनमूलक र लघुवित्त उपसमूहको परिसूचक २ प्रतिशतभन्दा बढी बढेको छ भने बैंकिङ्ग, ट्रेडिङ्ग, निर्जीवन बीमा, जीवन बीमा र अन्य उपसमूहको परिसूचक १ प्रतिशतभन्दा बढी बढेको छ।
प्रतिक्रिया