सोलुखुम्बुको दुधकुण्डआसपासमा हिमताल फुटेको आंशका, सोलुखोलामा पानीको सतह अप्रत्यासित बढ्यो

सोलुखुम्बु । सोलुखुम्बुको दुधकुण्ड आसपासमा रहेका हिम तालहरु फुटेको आंशका गरिएको छ ।

काठमाडौं । सोलुखोलामा अपत्यासित रुपमा सधैंको भन्दा पानीको सतह बढेको र पानी धमिलो देखिएपछि हिमाली क्षेत्रमा रहेका हिमताल फुटेको आंशका गरिएको हो ।

दुधुकण्ड नगरपालिका वडा नं. १ मा पर्ने त्यस क्षेत्रमा कुनै पनि फोन नेटवर्कले काम नगर्ने भएका कारण सही सूचना आउन नसकेको छैन ।

बिहानदेखि सोलुखोलामा पानीको अवस्था फरक देखिएपछि जानकारीका लागि दुधकुण्ड क्षेत्रमा टोली पठाइएको सोलुखुम्बुका प्रमुख जिल्ला अधिकारी रमा आचार्यले बताइन ।

आचार्यले भनिन, ‘अहिलेसम्म प्रहरी पुग्न सकेको छैन । एक घण्टा जतिमा प्रहरी पुगेपछि त्यहाँको वास्तविकता थाहा हुनेछ ।’ खोला किनारका बस्तीहरुले उच्च सर्तकता अपनाउन आग्रह गरेको पनि बताइन ।