काठमाडौं। विभिन्न दाउपेच र बहाना गर्दै पटक पटक स्थगित भएको नेपाल उद्योग वाणिज्य महासंघले आफ्नो वर्षिक साधारणसभा र नयाँ कार्यकालका लागि निर्वाचनको मोडालिटी तय गर्न समिति गठन गरेको छ ।
बुधबार भएको कार्यसमिति बैठकले ६ सदस्यीय समिति बनाउने निर्णय गरेको हो।
कोरोना संक्रमणका कारण देखाउँदै महासंघको साधारणसभा पटकपटक स्थगित हुँदै आएको छ।
१५ दिनभित्र साधारणसभा र चुनाबको मोडालिटी तयार पारेर कार्यसमितिमा प्रस्तुत गर्ने गरि कार्यकारिणी सदस्यहरु अरुण सुमार्गी, बिनोद ढकाल, रञ्जित आचार्य, भरत आचार्य, डीबी बस्नेत र सुनिलगोपाल श्रेष्ठ रहेको समिति गठन गरिएको महासंघले जनाएको छ ।
समितिले सिफारिस गरेको मोडालिटीलाई कार्य समितिबाट पारित गरेर साधारण सभा सञ्चालनको स्वीकृतीका लागि सरकारसँग अनुमति माग्ने निर्णय भएको बैठकमा सहभागि एफएनसीसीआईका सदस्यले बताए ।
एफएनसिसिआईमा एक पक्ष निर्वाचनलाई टार्ने र पछि धकेल्ने पक्षमा देखिएको छ भने अर्को पक्ष यथासिघ्र निर्वाचन गराएर नयाँ नेतृत्व चयन गर्नु पक्षमा उभिएको छ ।
महासंघको अनिश्चित निर्वाचनका लागि चन्द्र ढकाल र किशोर प्रधानले वरिष्ठ उपाध्यक्षका लागि उम्मेदवारी घोषणा गर्दै चुनावी लबिङ सुरु गरिसकेका छन् ।
कोरोना संक्रमण रहिरहने अवस्था देखिएपछि साधारणसभामा कम सहभागिता गराउने र चुनाब समेत विद्युतीय मतदानमा जाने विषयमा कार्यसमितिमा छलफल भएको महासंघ स्रोतले बताएको छ ।
प्रतिक्रिया