रुकुम । रुकुम पश्चिमको चौरजहारी नगरपालिकामा चक्कु प्रहार गरी आफनै भाईले दाईको हत्या गरेका छन ।
नगरको वडा नम्वर ९ गुर्तालगाउँ निवासी ३५ वर्षिय भुपेन्द्र मल्लले ४५ वर्षिय दाई हरि वहादुर मल्लको चक्कु प्रहार गरी हत्या गरेको ईलाका प्रहारी कार्यालय चौरजहारीले जानकारी दिएको छ ।
१७ वर्ष पहिले देखि मानसिक सुन्तुलन गुमाएका भनिएका हरि वहादुर मल्ल सोही गाउँमा विवाहित दिदीको घरमा खानाखाने र वेलुका आफनो कोठामा आएर सुत्नेगरेको वडा नम्वर ९ का वडा सदस्य कृष्ण मल्लले वताए ।
वडा सदस्य मल्लका अनुसार मृतकका भाई भुपेन्द्र ६ वर्ष पछि हालै छिमेकि देश भारतवाट घर आएका थिए । गत श्रावण ४ गते दिदिको घर वाट वेलुका खानखाएर सुत्न कोठामा आएका मल्ल ५ गते विहान र वेलुकाको खानाखान नगएपछि उनको खोजी गरीएको थियो ।
खोजीको क्रममा ६ गते विहान मल्लको घर गएका आफन्तले मकैवारीमा उनको सव मृतअवस्थामा भेटाएपछि वडा कार्यालय मार्फत प्रहरीलाई खवर गरिएको वडा अध्यक्ष महेश स्वर्णकारले जानकारी दिए ।
दुई भाई विचमा विभिन्न समयमा वादविवाद हुने गरेको भन्दै तीनीहरुको आमा समेत घर नबसी बिबाहित छोरीको घरमा बस्दै आएकी थिईन् । आफुलाई पनि छोराहरुले हातपात गर्दै आएकोले आफु छोरीको घरमा वस्दै आएको मृतक मल्लको आमाले बताईन् ।
हत्यामा संलग्न मृतकका भाई भागेर जाजरकोट आफन्तको घरमा गएको अवस्थामा रुकुम प्रहरीले वुधवार नियन्त्रणमा लिएको ईलाका प्रहरी कार्यालय चौरजहारीका प्रहरी निरिक्षक धर्मसिंह विष्टले जानकारी दिएका छन् ।
चौरजहारी नगरपालिका प्रमुख विशाल शर्मा जिल्ला प्रहरी प्रमुख रुकुम पश्चिमका डिएसपी ठग वहादुर के.सी.लगाएतको टोली आज घटना स्थालमा पुगेर घटनाको अनुसुन्धान गरेको प्रहरीले जनाएको छ ।
घटना स्थलको निरिक्षणको क्रममा मृतक सुत्ने कोठा रक्ताम्य भएको कपडा जलाएको र शव घर नजिकैको मकैवारीमा खाल्डो खनेर शरिरको केहि भाग पुरीएको अवस्थामा फेला परेको डिएसपी ठग वहादुर के.सीले जानकारी दिए ।
घटनामा सलंग्न मृतकका भाईले आफुले स्टीलको धारीलो चक्कुले घाँटी रेटेर हत्या गरेको र उक्त हतियार जाजरकोट आफन्तकोमा जानेवेला भेरी नदिमा फालेको स्वीकार गरेका छन ।
हत्यामा संलग्न भुपेन्द्र मल्ल लाई प्रहरीले आजै जिल्ला चलान गरेको छ भने मृतकको शव पोष्टमार्टमका लागी जिल्ला अस्पताल जाजरकोट लगिएको प्रहरीले जानकारी दिएको छ ।
प्रतिक्रिया