स्याङ्जाको गल्याङमा पहिरो, आमाको मृत्यु छोरी घाइते

स्याङ्जा । स्याङजामा अबिरल बर्षा संगै झरेको पहिरोले घर पुरिदा आमाको मृत्यु भएको छ भने छोरी घाइते भएकी छन् । पहिरोमा पुरिएर घर पुर्ण रुपमा क्षेती भएको छ ।

गल्याङ नगरपालिका वडा नं. १० सिमलचौरमा बुधवार विहान गएको पहिरोले घर भत्केर पुरिदा ५२ वर्षीय माया सारुको मृत्यु भएको छ भने उनकी २० वर्षीय छोरी नारायणी सारु घाइते भएको जिल्ला प्रहरी कार्यालय स्याङ्जाले जनाएको छ ।

करिव २५ मिटर माथीवाट झरेको पहिरोले घर पुरेको हो । घाइते सारुको प्राथामिक उपचार केन्द्र वालिङमा उपचार पछि थप उपचारको लागि पोखरा पठाईएको जिल्ला प्रहरी कार्यालय स्याङ्जाका प्रहरी नायव उपरिक्षक राजेन्द्र प्रसाद अधिकारीले बताएका छन् ।