रुपन्देहीमा अर्को हत्या, बन्चरो प्रहारबाट किशोरको ज्यान गयो

बुटवल । ५ जनाको सामुहि हत्या भएको २४ घण्टा नपुग्दै रुपन्देहीमा फेरी अर्को बिभत्स हत्या भएको छ ।

रुपन्देहीको कन्चन गाउपालिका वडा नं १ कुचेरामा १७ बर्षिय एक किशोरको बन्चरो प्रहार गरि हत्या गरिएको छ ।

गए राती घरमा सुतिरहेको १७ बर्षिय छोरालाई आफ्नै बाबुले बन्चरो प्रहार गरी हत्या गरेको रुपन्देहीका प्रहरी प्रमुख एसपी हेमकुमार थापाले जानकारी दिनु भयो ।

गए राती करिव एक बजे आसपास सुति रहेको छोरा सुदिप कुमाललाई बावु रिम बहादुर कुमालले बन्चरो प्रहार गरी गम्भिरघाईते बनाएको उपचारका लागि बुटवल लैजादै गर्दा मृत्यु भएको प्रहरीले जनाएको छ ।

बाबु रिन बहादुर कुमाललाई पक्राउ गरि अनुसन्धान सुरु गरिएको एसपी थापाले बताउनु भयो ।

स्थानीयका अनुसार मृतक चैतको पहिलो साता भारतबाट फर्केका थिए ।