फिफाको नयाँ नियम, – एक फुटबल म्याचमा ५ खेलाडी परिवर्तन पाइने

हरेक फुटबल खेलप्रेमीलाई थाहा छ, फुटबलमा एक खेलमा तीन खेलाडी मात्र परिवर्तन गर्न पाइन्छ। तर, अब भने फुटबल क्लब र खेलाडीका लागि खुशीको खबर छ । विश्व फुटबल महासंघ फिफाले अब हरेक टोलीले एक खेलमा ५ जनासम्म खेलाडी परिवर्तन गर्न पाउने नियम परिवर्तन गर्न लागेको छ ।

फिफाले प्रस्ताव गरेको पाँच खेलाडी परिवर्तनको अवधारणालाई इन्टरनेसनल फुटबल एसोसियसन बोर्डले स्वीकृत गरेको बीबीसीले जनाएको छ।

तर यो क्यालेन्डर वर्षभरी मात्र नयाँ नियम लागू हुने पनि जनाइएको छ। खेलाडीहरुको स्वास्थ्य अवस्था मध्यनजर गर्दै नयाँ नियम ल्याइएको जनाइएको छ।

कोरोना प्रकोपबीच यसै महिनादेखि जर्मन बुन्डेस लिगा सुचारु हुन लागेको छ। आगामी हप्ता स्पेनिस ला लिगा सुचारु हुने पनि जनाइएको छ। –एजेन्सी