बर्दिया । बर्दिया जिल्लाको गुलरिया स्थित जिल्ला प्रहरी कार्यालयको मुल ढोका अगाडी नै लागु औषधको कारोबार गर्ने समुह पक्राउ परेका छन् ।
कार्यालय अगाडी बा १२ च ६२९९ नंम्बरको गाडीमा लागु औषध ब्राउनसगुरको कारोबार गरिरहेको अवस्थामा बर्दिया प्रहरीले ४ जनालाई पक्राउ गरेको जनाएको छ । गोप्य सूचनाको आधारमा बिशेष गस्ति टोलीले उक्त गाडी पछ्याउदै जाँदा बुधबार साँझ जिल्ला प्रहरी कार्यालय बर्दियाको मुलगेट अगाडीबाट ४६ ग्राम ४३० मिलि ग्राम लागु औषध ब्राउनसुगर सहित उनीहरुलाई पक्राउ गरेको हो । पक्राउ पर्नेमा कैलाली टिकापुर १ का राजन रावल, लम्की चुवा नगरपालिका ५ का रोशन कडायत, दैलेख दुल्लु नगरपालिका ७ का आकाश शाह तथा कैलाली टिकापुर नगरपालिका ९ का रमेश न्यौपाने रहेका छन् ।
गाडी तथा पक्राउ परेकाहरुलाई खानतलासी गर्दा गाडीको स्टेरिङ भित्र कालो रङको प्लाष्टिक भित्र पोको पारी राखेको ४६ ग्राम ४३० मिलि ग्राम लागु औषध ब्राउनसुगर प्रहरीले फेला पारेको थियो । पक्राउ परेकाहरुलाई हिरासतमा राखि आबश्यक अनुसन्धान भईरहेको प्रहरीले जनाएको छ ।
प्रतिक्रिया