आजको मौसम : पहाडी क्षेत्रमा आंशिक बदली, मेघगर्जन, चट्याङ र हावाहुरीसहित क्षणिक वर्षाको सम्भावना

काठमाडौ । अहिले देशभर पश्चिमी वायुको प्रभावका साथै स्थानीय वायुको प्रभाव कायमै छ ।

मौसम पूर्वानुमान महाशाखाका अनुसार हाल देशको पश्चिमी पहाडी भू–भागमा सामान्य बदली भई केही स्थानहरुमा मेघगर्जन र चट्याङ सहित वर्षा हुने सम्भावना रहेको छ ।

आज दिउँसो देशको पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने छ महाशाखाले जनाएको छ ।

पहाडी भू–भागमा अपरान्ह पछि सामान्य बदली भई केही स्थानमा मेघगर्जन, चट्याङ र हावाहुरी सहित क्षणिक वर्षाको सम्भावना रहेको महाशाखाको अनुमान छ ।

आज राती देशको पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने मौसम पूवानुमान महाशाखाले जनाएको छ ।