भारतकाे पटना अस्पतालमा भर्ना गरिएका नेपालीमा कोरोना पुष्टि हुन बाँकी

काठमाडौ । भारतको पटना मेडिकल कलेज, बिहारमा कोरोना भाइरस ९कोभिड–१९० को संक्रमण भएको आशंकामा भर्ना गरिएका वीरगन्जका एक नेपालीमा कोरोना संक्रमण भएको पुष्टि हुन बाँकी रहेको अस्पतालले जनाएको छ ।

पटना मेडिकल कलेज, बिहारका प्रिन्सिपल प्रा. डा. विद्यापति चौधरीले अस्पताल भर्ना भएका उनलाई कोरोना संक्रमण भएको पुष्टि भइनसकेको जानकारी दिनुभयो ।

अस्पतालका अनुसार उनको रिपोर्ट नेशनल इस्टिच्यूट अफ मेडिकल साइन्स, पुनेमा पठाइएको छ । वीरगञ्जका उनी केही दिनअघि अस्पतालमा भर्ना भएका थिए । भारतीय सञ्चारमाध्यमले उनलाई कोरोना संक्रमण भएको उल्लेख गरेका छन् ।