२१ चैत्र २०८१, बिहिबार | April 3, 2025

असिनापानीले तरकारी र गहु बाली नष्ट, किसान चिन्तित



बाजुरा । शनिबार बाजुरामा परेको असिनापानीले पाक्न लागेको गहुँबाली, तरकारी तथा फलफूल खेतीमा क्षति पुर्याएको छ । कृषि ज्ञान केन्द्र बाजुराका अनुसार जिल्लाको तल्लो भेगका बूढीगङ्गा, बडीमालिका नगरपालिका सहित अधिकांश स्थानीय तहका अन्न बालीमा करिब एक घण्टा बढी समयसम्म परेको असिनापानीले नष्ट पारेको छ ।

पाक्न लागेको गहुँ, पाकिसकेको जौ र तरकारी बाली नष्ट भएपछि किसान चिन्तित भएका छन् । केन्द्रका सूचना अधिकारी मीनप्रसाद जैशीले असिनापानीले पुर्याएको क्षति बारे एकीन विवरण नआइसकेको बताउनुभयो ।

त्रिवेणी नगरपालिका–३ का वडाअध्यक्ष मीन भण्डारीले असिनापानी गहुँ बालीलाई नराम्रो क्षति पुर्याएको बताउनुभयो । जिल्लाका अन्य स्थानीय तहमा जेठ र असारसम्म गहुँबाली पाक्ने गरे पनि त्रिवेणी, बूढीगङ्गासहितका स्थानीय तहमा चैतको शुरुमै काट्न थाल्ने गरेका छन् ।

यो क्षेत्रलाई बेंसी र बढी उत्पादन हुने क्षेत्रका रूपमा पनि लिने गरिन्छ । क्षतिको यथार्थ विवरण सङ्कलन गरी किसानलाई राहतको व्यवस्था गर्न ज्ञान केन्द्रले आग्रह गरेको केन्द्रका निमित्त प्रमुख गोविन्द सिजापतीले बताउनुभयो । उहाले क्षतिको विवरण सङ्कलन गर्ने काममा जुट्न वडा कार्यालयलाई आग्रह गर्नुभयो ।

क्षतिको यथार्थ विवरण सङ्कलन गरी किसानलाई राहतका लागि पहल गर्ने बूढीगङ्गा नगरपालिकाका प्रमुख दीपकविक्रम शाहले पनि जानकारी दिनुभयो । कृषि शाखाले प्रत्येक वडामा क्षतिको विवरण सङ्कलन गर्न प्राविधिक टोली पठाउने उहाले बताउनुभयो ।

प्रकाशित मिति : २ चैत्र २०७६, आइतबार  ७ : ५४ बजे

मधेसी समुदायका निम्ति संविधान संशोधन गर्नुपर्छ : महेन्द्रकुमार राय

काठमाडौं । प्रतिनिधिसभा सदस्य भएको करिब दुई वर्ष भयो ।

सगरमाथा संवादमा सहभागी हुन बिमेस्टेक राष्ट्र र सरकार प्रमुखलाई नेपालको निम्तो

काठमाडौं। आगामी मे महिनामा हुने ‘सगरमाथा संबाद’मा उपस्थितिका लागि नेपालले

बिमस्टेक क्षेत्रीय एकता र सामूहिक सहकार्यको भावनामा अघि बढ्नुपर्छ : परराष्ट्रमन्त्री

काठमाडौं । परराष्ट्रमन्त्री डा आरजु राणा देउवाले बहुक्षेत्रीय प्राविधिक तथा

वनवाटिकाको विकासमा विगत २० वर्षदेखि खटिएका खिमलाल पाण्डेयले गरे अध्यक्ष पदको उमेद्वारी घोषणा

बुटवल । रुपन्देहीको तिलोत्तमास्थित शंकरनगर वन विहार तथा अनुसन्धान केन्द्र

गायक मुरलीधरको नयाँ गीत सार्वजनिक

काठमाडौँ । ‘उडायो सपना सबै हुरीले’ बोलको गीतका गायक मुरलीधरको