बुद्ध जन्मस्थलमा शान्ती प्रार्थना

रुपन्देही । कोरोना भाइरसको संक्रमण निमूर्ल होस् भन्ने कामना गर्दै बुद्ध जन्मस्थल लुम्बिनीमा शान्ती प्रार्थना गरिएको छ ।

लुम्बिनी पर्यटन व्यवसायी संघको आयोजनामा कोरोना भाइरस संक्रमणका कारण विभिन्न देशमा मृत्यु भएकाहरुप्रति श्रद्धाञ्जली अपर्ण तथा संक्रमितहरुको सिघ्र स्वास्थ्य लाभको कामना गर्दै बिहिबार साँझ मायादेबी मन्दिर परिसरमा प्रार्थना गरिएको हो ।

विभिन्न देशका भिक्षु भिक्षुणी, लामा, उपासक उपासिकाहरु र पर्यटन व्यसायीहरुको सहभागितामा परित्राण पाठ, शान्ती प्रार्थना र दीप प्रज्वलन गरिएको लुम्बिनी पर्यटन व्यवसायी संघका सचिव पिन्टु कशौधनले जानकारी दिनुभयो ।

कोरोना भाइरसका कारण पर्यटन व्यवसायमा समेत नराम्रो असर परेकाले विश्वबाटै कोरोनाको संक्रमण निर्मुल होस् भन्ने कामना गर्दै प्रार्थना गरिएको उहाँले बताउनुभयो ।