कोरोना प्रभाव : ३४६६ को मृत्यु, लाख बढी संक्रमित, ५६१२६ जना निको भए

एजेन्सी । विश्वब्यापी महामारीको रुप लिएको कोरोना भाईरसको कहर अझै पनि कायमै् छ । शुक्रबारसम्म संक्रमितहरुको संख्या एक लाख नाघेको हो । संक्रमितको संख्या १ लाख १ हजार ७ सय ७० पुगेको हो । चीन बाहेकका मुलुकमा २१ हजार १ सय ९४ जना संक्रमित रहेका छन ।

विश्वका ९६ देशमा महामारीको रुपमा फैलिएको कोरोना भाईरसका कारण ३ हजार ४ सय ६६ जनाको मृत्यु भैसकेको छ । ५६ हजार १ सय २६ जना संक्रमित विरामी निको पनि भैसकेका छन । कोरोनाको उद्गम मुलुक चीनमा संक्रमितको संख्या ८० हजार ५ सय ७६ पुगेको छ । ३ हजार ४२ जनाको मृत्यु भैसकेको छ । चीन बाहेकका मुलुकमा मर्नेको संख्या ३ सय ७० पुगेको छ ।

चीन पछिको अत्यधिक कोरोना प्रभावित मुलुक दक्षिण कोरियामा ६ हजार ५ सय ९३ जनामा संक्रमण पुष्टि भएको छ भने ४३ जनाको मृत्यु भएको छ । त्यस्तै इटालीमा ४६३६ जना संक्रमित छन भने १९७ जनाको मृत्यु भैसकेको छ । त्यस्तै ईरानमा ४७४७ जनामा संक्रमण पुष्टि भएको छ भने १२४ जनाको मृत्यु भैसकेको छ ।

पछिल्लो खवर अनुसार एशियाली मुलुक भुटानमा पनि कोरोना संक्रमणको पहिलो बिरामी भेटिएका छन ।