बन्द रङ्गाशालाभित्र द बुन्डेसलिगा लिग सुरु हुँदै

जर्मनीको शीर्ष फुटबल लिग, द बुन्डेसलिगा बन्द रङ्शालाभित्र यसै सातादेखि सुरु हुने भएको छ ।

कोरोनाभाइरसको सङ्क्रमणको जोखिम बढेपछि मार्च १३ मा लिगका खेलहरु स्थगित भएको थियो ।

बुन्डेसलिगा सुरु भएसँगै दुई महिनासम्म ठप्प बनेको खेलकुद गतिविधि सञ्चालन हुने यूरोपको पहिलो लिग हुनेछ । लिग अन्तगर्त शनिबार छ खेल हुनेछन् ।
रङ्शालामा दर्शकको प्रवेश रोक्न प्रहरी परिचालन गरिनेछ । कठोर स्वास्थ्य मापदण्ड अपनाउँदै सुरु हुने खेलमा रङ्शालाभित्र म्याच अधिकारी, खेलाडीसँगै तीन सय जना रहनेछन् ।

खेलाडीको स्वास्थ्य परीक्षण गरिएको छ । खेलपछि सामाजिक दूरी अपनाउने विधि पालना गर्नुपर्नेछ । लिग सुरु हुनुअघि खेलाडीलाई क्वारेन्टाइनमा राखिएको थियो ।