नयाँ नोट वितरणमा नेपाल राष्ट्र बैंकको एकाधिकार, राष्ट्र बैंकमा थामिनसक्नु घुईँचो

नेपालगन्ज । नयाँ नोट वितरणमा नेपाल राष्ट्र बैंकले एकाधिकार कायम गरेपछि नेपाल राष्ट्र बैंक नेपालगन्ज कार्यालयमा थामिनसक्नु भिड लाग्ने गरेको छ । यसवर्ष राष्ट्र बैंकले अन्य बाणिज्य बैंकहरुलाई नयाँ नोट नदिएर एकलौटी आफैले मात्र वितरण गर्ने निर्णय गरेपछि बैंकमा नयाँ नोट लिन भिड लागेको हो ।

बिगतका वर्षहरुमा जस्तो यसवर्ष नेपाल राष्ट्र बैंकले अन्य बैंकलाई नयाँ नोट उपलब्ध नगराएको ती बैंकहरुले जनाएका छन् ।

नयाँ नोट लिन क्युआर अनिवार्य गरेपछि सूचना प्रबिधिको पहुँचमा नरहेका सर्वसाधारणले सास्ती समेत खेप्नु परेको नोट लिन लाईनमा बसेका एकजनाले बताए । ४ घण्टा लाईनमा बसेपछि क्युआरमा ट्रान्जेशन फेल भनिदिएपछि परसपुरका नयाँ नोट लिन लाइनमा बसेका शेरअलि बागवान रिट्टो हात फर्कनु परेको गुनासो गरे ।

दशैंका लागि प्रतिव्यक्ति १८ हजार पाँच सय रुपैयाँको दरले नयाँ नोट वितरण गरिरहेको छ । हरेक वर्ष राष्ट्र बैंकले दशैं–तिहारमा दक्षिणा र पूजाका लागि नयाँ नोट साट्ने सुविधा दिँदै आएको छ ।