डिशहोमको फाइबरनेट सेवा नेपालका प्रमुख शहरहरुमा विस्तार

काठमाडौं । डीटीएच सेवा प्रदायक कम्पनी डिशहोमले आफ्नो फाइबरनेट सेवालाई देशका प्रमुख शहरहरुमा विस्तार गरेको छ ।

डिसहोमले हालैमात्र बुटवल, बर्दिवास, ढल्केबर र शंखमुल आफ्नो सेवा विस्तार गरेको छ । छिटै नै पोखरा, नेपालगञ्ज, धनगढी, विर्तामोड, जनकपुर, वीरगन्ज लगायतका शरहमा पनि फाइबरनेट विस्तार हुन लागेको डिसहोमले जनाएको छ । काठमाडौं भक्तपुर, ललितपुर, हेटौडा, ईनरुवा र ईटहरीमा यस अघि नै डिशहोम फाइबरनेटको सेवा पुगिसकेको छ । फाइबरनेटका योजनाहरु १० एमबीपीएसदेखि १०० एमबीपीएससम्म उपलब्ध छन् ।

डिशहोमले फाइबरनेटको साथमा उत्कृष्ट इन्टरनेट कनेक्सनको अनुभवसहित, डिशहोमका ग्राहकहरुका लागि डिशहोम टिभीको निःशुल्क सदस्यता, आकर्षक छुटहरु, निःशुल्क डिशहोम GO App र XVOD  जस्ता  विभिन्न सुविधाहरु उपलब्ध गराएको छ ।

उच्च गतिको इन्टरनेट सेवाको मागलाई मध्यनजर गरी आफ्ना डीटीएच प्रयोगकर्ताहरुको माग पूरा गर्न सन् २०२० मा डिशहोमले सुरु गरेको थियो । फाइबरनेट प्रत्येक व्यवसाय र बासिन्दालाई छिटो, किफायती र भरपर्दो सेवाप्रदान गर्न प्रतिबद्ध रहेको डिसहोमले जनाएको छ । डिशहोम फाइबरनेटको बारेमा थप जानकारी चाहिएमा ९८०१५४४०००मा संम्पर्क गरी जानकारी प्राप्त गर्न सकिने कम्पनीले जनाएको छ ।