खबर सुन्न र पढ्न काठमाडौं कुर्नुपर्ने बाध्यताको अन्त्य भएको छ : खबरकुराबारे नागरिक अगुवाको प्रतिक्रिया

बुटवल । आज खबरकुराको वार्षिक उत्सव । आरोह र अवरोहकाबीच पहिलो वर्ष पुरा गरेर दोस्रो प्रवेश गरिरहँदा देश, समाज र नागरिकलाई केन्द्रबिन्दुमा राखेर खबरकुराले न्यु मिडियाको छुट्टै पहिचान बनाउन सफल भएको हामिले महसुस गरेका छौं । हाम्रा मुल्यांकन कर्ता, हाम्रा आलोचक, हाम्रा सम्पत्ती भनेको मात्र पाठकहरु नै हुन् ।

एक वर्षको अवधीमा खबरकुरालाई समाजका बिभिन्न प्रतिनिधिमुलक संस्थाका अगुवाहरु सामु पस्कँदा उनीहरुको गहन र अमुल्य सुझावहरु हामीलाई प्राप्त भएका छन् । हामीले खबरकुराकाे एक वर्षलाई कसरी मुल्यांकन गर्नु भएकाे छ ? भनेर साेधेका थियाैं । उनीहरुकाे जवाफ जस्ताकाे तस्तै ।

शिवराज सुबेदी : प्रमुख, बुटवल उपमहानगरपालिका

खबरकुराले आफ्नो सन्देश प्रवाह गरेको १ वर्ष पुगेकोमा हार्दिक बधाई तथा शुभकामना ब्यक्त गर्दछु । खबरकुराले तलतलका जनताहरुको अवाज उठाउने र समाजमा सकारात्मक सोँचको निर्माण गर्ने काममा लागि रहेको छ । मिडियाको युगिन भुमिका हुन्छ, मुलुक नयाँ समृद्दीको यात्रामा हिँडेको छ । समाजमा सकारात्मक चेतना बिकास गर्ने र नकारात्मक सोँचलाई विस्थापन गर्ने काममा खबरकुराको भुमिका सर्हानिय छ । आगामी दिनमा पनि यसले निश्पक्ष पत्रकारिता स्थापित गरोस् मेरो शुभकामना छ ।

 

बासुदेव घिमिरे, प्रमुख, तिलोत्तमा नगरपालिका

छोटो समयमा खबरकुराले लोप्रियता हासिल गरेको छ । जनजिवीका, विकास र सुशासन सहित जनतालाई सुसुचित हुने सम्बन्धमा जनतालाई खबरकुराले सत्य तथ्य सामाग्री दिन सफल भएको छ । यस्को उच्च मुल्याँकन र सम्मान ब्यक्त गर्न चाहन्छु । आगामी दिनमा पनि एकदम निश्पक्ष पत्रकारीताको नमुना बन्ने अपेक्षा र बिश्वासका साथ शुभकामना ब्यक्त गर्दछु ।

 

लिला गिरी, अध्यक्ष, नेकपा एमाले लुम्बिनी प्रदेश कमिटी

खबरकुराले मुलुकको लोकतन्त्रमा सञ्चारक्षेत्रले गर्नु पर्ने भुमिका र धर्म राम्रो सँग निभाउन खोजेको सन्दर्भ देखिन्छ । आगामी दिनमा वास्तवमा हुनु पर्ने काम निश्पक्षताको सन्दर्भमा अलिकता विगत देखि कमी कमजोरी रहेको जनताले महसुस गरेका छन् । यो विषयमा यो मिडियाले अझै महत्यपूर्ण भुमिकाका साथ आफ्नो निश्पक्ष समाचार लिएर जनताका बीचमा र समग्र दुनिका बीचमा राख्न सफल हुने छ । मेरो शुभकामना ।

 

 

अब्दुल वाहिद मन्सुरी, अध्यक्ष, नेपालगन्ज उद्योग बाणिज्य संघ, बाँके

काठमाडौ र बुटवलमा मुख्य कार्यालय रहेपनि नेपालगन्जको खबरले उच्च प्राथमिकता पाउँदा हामी धेरै खुसी छौं । व्यवसायीक कुराहरु धेरै उठाउनु भएको छ । खबरकुरासँग आगामी दिनहरुमा नेपालगन्ज उद्योग बाणिज्य संघ सँगसँगै जान चाहन्छ , शुभकामना ।

 

 

उमा थापा मगर, उप प्रमुख, नेपालगन्ज उपमहानगर पालिका

खबरकुराको न्युज एङ्ल हेर्दा यसको उज्वल भविश्य देखेकी छु । निश्पक्ष र सन्तुलित समाचार संप्रेषण गरिरहनुभएको छ ।अनुभवी पत्रकारहरुको टिमले चलाएको हुँदा खबरकुराले समाचारको दुनियामा छुट्टै पहिचान बनाउनेमा विश्वस्त छु ।

 

उज्वल कसजु, अध्यक्ष, बुटवल उद्योग बाणिज्य संघ

यहाँहरुले धेरै मेहनत गरेर खबरकुरा डटकम निकाल्नु भएको छ, मलाई सबैभन्दा मन पर्ने मिडिया नै खबरकुरा बनेको छ । कोरोनाले संसार ध्वस्त बनाएको बेला पनि खबरकुरालाई निरन्तरता दिएको छ त्यसका लागि सम्पूर्ण उद्योगी व्यवसायीको तर्फबाट धन्यवाद ब्यक्त गर्न चाहन्छु । जुन मेहनत छ त्यसलाई उद्योगी व्यवसायीबाट सहयोग हुनु पर्ने हो, त्यो भएको छैन । अवका दिनमा हामी सहयोग गर्ने प्रतिबद्धता ब्यक्त गर्दछौं । आगामी दिनमा दुधका दुध पानीका पानी छुट्टिने गरि समाचार बनाउनु होला । शुभकामना ।

 

 

बाबुराम बोहोरा, अध्यक्ष, रुपन्देही उद्योग संघ

बुटवलमा कार्यालय राखेर राष्ट्रिय स्तर दिन सक्नु भएको छ त्यो नै खुसीको कुरा हो । विशेष गरि लुम्बिनी प्रदेशका गतिबिधिहरु सबै

भन्दा छिटो उठान गर्ने मिडियाकारुपमा पहिचान बनाउनु भएको छ , टिमलाई बधाई दिन चाहन्छु । उत्कृष्ठ पत्रकारीताको अनुभुति गर्न पाईएको छ, त्यो खालको वातावरण खबरकुरालाई पनि मिलोस हामी पाठकलाई पनि पाईयोस् शुभकामना छ ।

 

 

यम लोहनी, अध्यक्ष, रुपन्देही ब्यापार संघ

हिजोका दिनमा खबर पढ्न काठमाडौका अनलाईन मिडिया हेर्नु पथ्र्यो, त्यो बाध्यतालाई खबरकुराले अन्त्य गरिदिएको छ । लुम्बिनीलाई फोकस गरेर खबरकुरामा समेटिएका समाग्रीले यस क्षेत्रका सबै पाठकलाई सुसुचित बनाउन सफल भएको मैले महसुस गरेको छु । खबरहरु तथ्यपरक ढंगले आगामी दिनमा जान सकेको खण्डमा खबरकुराले छिटै ठूलो फड्को मार्न सक्छ भन्ने विश्वास लिएको छु ।

 

 

किस्मत कुमार कक्षपति, अध्यक्ष खजुरा गाँउपालिका, बाँके

खबरकुरा धेरै छोटो समयमा सफलताको बिन्दुमा पुगेको छ, त्यो नै यसको सकारात्मक पक्ष हो । यसले समाजमा सकारात्मक सोँचको विकास गराएको छ, गाँउठाँउका समाचारलाई प्राथमिकता दिएको छ र जनताको भ्वाईस बोलिदिएको छ । आगामी दिनमा निश्पक्षताको अपेक्षा सहित अझै उँचाईमा पुगोस् भन्ने शुभकामना दिन चाहन्छु ।

 

खेलराज पाण्डे, बुटवल नगरसभापति, नेपाली कांग्रेस

छिटाे सुचना र खबर दिनेमा खबरकुरा अग्रभागमा रहेकाे छ । मैले बाँके र रुपन्देहीकाे काेराेना अपडेट खबरकुराबाटै थाहा पाउने गरेकाे छु । पछिल्लाे समय अनलाईन मिडिया अमुक पक्षधरतामा जान थालेकाे छ । मिडिया सबैकाे साझा बन्न सक्नु पर्दछ । विश्वसनिय समाचार र सुचनाले मिडियालाई दिगाे बनाउँछ । सबैले पढ्ने, सबैले विश्वास गर्ने र सबैकाे साझा बनाउन सक्नुस् । मेराे र कांग्रेसकाे सधैं साथ र सहयाेग रहन्छ । शुभकामना ।