षडयन्त्र गरेर प्रधानमन्त्री हटाउन खोजेपछि प्रतिनिधिसभा विघटन : प्रधानमन्त्री ओली

काठमाडौं । प्रधानमन्त्री केपी शर्मा ओलीले केही व्यक्तिको पदलोलुपता र महत्वाकांक्षाले राजनीति प्रदुषित बन्न थालेपछि प्रतिनिधिसभा विघटन गर्नुपरेको बताएका छन् ।

राष्ट्रिय सभाको बैठकलाई सम्बोधन गर्दै प्रधानमन्त्री ओलीले जनताले पाँच वर्ष सरकार चलोस् भन्ने जनताको इच्छा रहे पनि षड्यन्त्र गरेर प्रधानमन्त्री हटाउन खोजिएपछि प्रतिनिधिसभा भंग गरिएको दाबी गरेका हुन् ।

सरकारलाई काम गर्न नदिएर फोहोरी खेलमा लागेपछि समय बर्बाद नगर्न ताजा जनादेशमा जाने निर्णय गरेको ओलीले जिकिर गरे ।

ओलीले बाह्य शक्तिको इसारामा देशका शक्तिहरु गोटी भएपछि, विकास निर्माणको कामा व्यवधान गर्न थालेपछि, प्रधानमन्त्रीलाई काम गर्न नदिएपछि अस्थिरता रोक्न आफुले प्रयास गरेको उनले जिकिर गरे ।

ओलीले सभामुखले सरकारलाई अस्वीकार गरेको आरोप पनि लगाए । सरकारले लगेका विधेयक पारित गर्नबाट सभामुखले रोकेको उनले आरोप लगाए । प्रधानमन्त्रीको सम्बोधन जारी छ ।